ಮುಂದಿನ ‘ಜನಗಣತಿ’ಯಲ್ಲಿ ‘ಜಾತಿ ಕಾಲಂ’ ಸೇರ್ಪಡೆಗೆ ‘ಕೇಂದ್ರ ಸರ್ಕಾರ’ ಚಿಂತನೆ : ವರದಿ

ನವದೆಹಲಿ : ಮುಂಬರುವ ಜನಗಣತಿಗೆ ಸರಕಾರವು ಜಾತಿ ಕಾಲಂ ಸೇರಿಸಬಹುದು ಎಂದು ವರದಿಯಾಗಿದೆ. ಕೊನೆಯ ಗಣತಿಯನ್ನ 2011ರಲ್ಲಿ ನಡೆಸಲಾಯಿತು. ನಂತ್ರ ಕೋವಿಡ್ -19 ಸಾಂಕ್ರಾಮಿಕ ರೋಗದಿಂದಾಗಿ ವಿಳಂಬವಾಯಿತು.

ಆದಾಗ್ಯೂ, ಜಾತಿ ಕಾಲಂ ಸೇರ್ಪಡೆಗೆ ಇನ್ನೂ ಯಾವುದೇ ಅಂತಿಮ ನಿರ್ಧಾರವನ್ನ ತೆಗೆದುಕೊಳ್ಳಲಾಗಿಲ್ಲ ಎಂದು ವರದಿ ತಿಳಿಸಿದೆ.
ಅಂದ್ಹಾಗೆ, ವಿವಿಧ ರಾಜಕೀಯ ಪಕ್ಷಗಳು ಜಾತಿ ಜನಗಣತಿಗೆ ಒತ್ತಾಯಿಸುತ್ತಿವೆ.

ಆಗಸ್ಟ್ನಲ್ಲಿ, ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ರಾಷ್ಟ್ರವ್ಯಾಪಿ ಜಾತಿ ಜನಗಣತಿಯ ಅಗತ್ಯವನ್ನ ಒತ್ತಿ ಹೇಳಿದರು. ದೇಶದಲ್ಲಿ ಸುಮಾರು 90 ಪ್ರತಿಶತದಷ್ಟು ಜನರು ವ್ಯವಸ್ಥೆಯಿಂದ ಹೊರಗಿದ್ದಾರೆ ಮತ್ತು ಅವರನ್ನು ಸೇರಿಸಲು ಕ್ರಮ ತೆಗೆದುಕೊಳ್ಳಬೇಕು ಎಂದು ಅವರು ಹೇಳಿದರು.

ಶೇ.90ರಷ್ಟು ಜನರು ವ್ಯವಸ್ಥೆಯಿಂದ ಹೊರಗುಳಿದಿದ್ದಾರೆ. ಅವರಿಗೆ ಕೌಶಲ್ಯಗಳು ಮತ್ತು ಜ್ಞಾನವಿದೆ ಆದರೆ ಯಾವುದೇ ಸಂಪರ್ಕಗಳಿಲ್ಲ (ವ್ಯವಸ್ಥೆಯೊಂದಿಗೆ). ಅದಕ್ಕಾಗಿಯೇ ನಾವು ಜಾತಿ ಜನಗಣತಿಯ ಬೇಡಿಕೆಯನ್ನು ಎತ್ತಿದ್ದೇವೆ” ಎಂದು ಉತ್ತರ ಪ್ರದೇಶದ ಪ್ರಯಾಗ್ರಾಜ್ನಲ್ಲಿ ನಡೆದ ‘ಸಂವಿಧಾನ್ ಸಮ್ಮಾನ್ ಸಮ್ಮೇಳನ’ದಲ್ಲಿ ರಾಹುಲ್ ಗಾಂಧಿ ಹೇಳಿದ್ದರು.