ಮುಂಡಗೋಡ : ಭಾರತೀಯ ಕಿಸಾನ್ ಸಂಘದಿಂದ ದಿ.28ರಂದು ಪ್ರತಿಭಟನಾ ಮೆರವಣಿಗೆ, ಮನವಿ
ಭಾರತೀಯ ಕಿಸಾನ್ ಸಂಘದ ಮುಂಡಗೋಡ ತಾಲೂಕ ಘಟಕದಿಂದ ಗೋವಿನಜೋಳ, ಭತ್ತ, ಅಡಿಕೆ, ಶುಂಠಿ, ತೋಟಗಾರಿಕಾ ಬೆಳೆಗಳು ಹಾಳಾಗಿದ್ದು, ಎಕರೆಗೆ 25ಸಾವಿರರೂ. ಬೆಳೆ ಪರಿಹಾರ ನೀಡಬೇಕೆಂದು ಆಗ್ರಹಿಸಿ ದಿ.28ರಂದು ಬೆಳಿಗ್ಗೆ 10-30ಗಂಟೆಗೆ ಪ್ರತಿಭಟನಾ ಮೆರವಣಿಗೆ ನಡೆಯಲಿದೆ.
ದಿ.28ರಂದು ಮುಂಡಗೋಡ ಐ.ಬಿ.ಯಿಂದ ಮುಂಡಗೋಡ ತಹಶೀಲದಾರ ಕಚೇರಿವರೆಗೆ ತೆರಳಿ, ತಹಸೀಲ್ದಾರರ ಮೂಲಕ ಜಿಲ್ಲಾಧಿಕಾರಿಗಳಿಗೆ, ರಾಜ್ಯ ಸರ್ಕಾರಕ್ಕೆ ಮನವಿ ಸಲ್ಲಿಸಲಾಗುವುದು. ರೈತರು, ಸಾರ್ವಜನಿಕರು ಈ ಕಾರ್ಯಕ್ರಮಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ ಕಾರ್ಯಕ್ರಮ ಯಶಸ್ವಿಗೊಳಿಸಬೇಕೆಂದು ಭಾರತೀಯ ಕಿಸಾನ್ ಸಂಘದ ತಾಲೂಕ ಅಧ್ಯಕ್ಷ ಬಸವರಾಜ ಪಾಟೀಲ್, ಕಾರ್ಯದರ್ಶಿ ಬಸಯ್ಯ ಹಿರೇಮಠ, ಉಪಾಧ್ಯಕ್ಷರಾದ ನಾಗನಗೌಡ ಶಿವನಗೌಡರ, ಮೃತ್ಯುಂಜಯ ಹಿರೇಮಠ, ಸಹ ಕಾರ್ಯದರ್ಶಿ ನಾರಾಯಣ ರುಕ್ಮಾಯವರ್ ತಿಳಿಸಿದ್ದಾರೆ.