ಅರಶಿಣಗೇರಿಯಲ್ಲಿ ರೈತನ ಆತ್ಮಹತ್ಯೆ

ಮುಂಡಗೋಡ : ತಾಲೂಕಿನ ಅರಶಿಣಗೇರಿ ಗ್ರಾಮದಲ್ಲಿ ಶನಿವಾರ ರೈತನೊಬ್ಬ ಮನನೊಂದು ಅರಣ್ಯದಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.

ಅರಶಣಗೇರಿ ಗ್ರಾಮದ ದೇವೇಂದ್ರಪ್ಪ ತೆಗ್ಗಳ್ಳಿ(60) ಮೃತಪಟ್ಟ ರೈತನಾಗಿದ್ದಾನೆ.

ಜಮೀನಿನಲ್ಲಿ ಈ ಬಾರಿ ಶೇಂಗಾ ಬೆಳೆಯನ್ನು ಬೆಳೆಯಲು ವಿವಿಧ ಸಂಘ-ಸಂಸ್ಥೆ ಹಾಗೂ ಸೊಸೈಟಿಗಳಲ್ಲಿ ಸಾಲ ಮಾಡಿದ್ದ. ಆದರೆ ಶೇಂಗಾ ಬೆಳೆ ತೆಗೆಯುವ ವೇಳೆ ಮಳೆ ಬಂದು ಬೆಳೆ ಹಾಳಾಗಿತ್ತು. ಬೆಳೆ ಸರಿಯಾಗಿ ಸಿಗದಿದ್ದರಿಂದ ಬೇಸರದಲ್ಲಿದ್ದ ಈತನು ಮನನೊಂದು ಅರಶೀಣಗೇರಿ ವ್ಯಾಪ್ತಿಯ ಅರಣ್ಯದಲ್ಲಿರುವ ಮರಕ್ಕೆ ಹಗ್ಗದಿಂದ ನೇಣು ಹಾಕಿಕೊಂಡು ಮೃತಪಟ್ಟಿದ್ದಾನೆ.

 ಈ ಕುರಿತು ಇಲ್ಲಿನ ಪೊಲೀಸ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.