ನವದೆಹಲಿ: ಭಾರತೀಯ ರಿಸರ್ವ್ ಬ್ಯಾಂಕ್ (RBI) ನಿಯಂತ್ರಣ ಅನುಸರಣೆಯಲ್ಲಿನ ನ್ಯೂನತೆಗಳನ್ನು ಆಧರಿಸಿ ಆರ್‌ಬಿಎಲ್ ಬ್ಯಾಂಕ್ ಲಿಮಿಟೆಡ್(RBL Bank Limited)ಗೆ 2 ಕೋಟಿ ರೂ.ಗಳ ಹಣಕಾಸು ದಂಡ ವಿಧಿಸಿದೆ.
‘ಬ್ಯಾಂಕ್ ತನ್ನ ಗ್ರಾಹಕರೊಂದಿಗೆ ಮಾಡಿಕೊಂಡ ಯಾವುದೇ ವಹಿವಾಟು ಅಥವಾ ಒಪ್ಪಂದದ ಸಿಂಧುತ್ವವನ್ನು ಉಚ್ಚರಿಸುವ ಉದ್ದೇಶವನ್ನು ಈ ಕ್ರಮ ಹೊಂದಿಲ್ಲ’ ಎಂದು ಆರ್ ಬಿಐ ಹೇಳಿದೆ.
ಭಾರತೀಯ ರಿಸರ್ವ್ ಬ್ಯಾಂಕ್ (ಠೇವಣಿಗಳ ಮೇಲಿನ ಬಡ್ಡಿ ದರ) ನಿರ್ದೇಶನಗಳು, 2016 ರ ಸೆಕ್ಷನ್ 28 (ಎಚ್) ಉಲ್ಲಂಘನೆಗಾಗಿ ಮತ್ತು ಬ್ಯಾಂಕಿಂಗ್ ನಿಯಂತ್ರಣ ಕಾಯ್ದೆ, 1949 (ಕಾಯ್ದೆ) ಸೆಕ್ಷನ್ 10ಎನ ಉಪ ಸೆಕ್ಷನ್ (2) ರ ಖಂಡ (ಬಿ) ನಿಬಂಧನೆಗಳನ್ನು ಪಾಲಿಸದ ಕಾರಣ ವಿತ್ತೀಯ ದಂಡವನ್ನು ವಿಧಿಸಲಾಗಿದೆ ಎಂದು ಸೆಪ್ಟೆಂಬರ್ 27 ರಂದು ಆರ್ ಬಿಐ ಆದೇಶ ತಿಳಿಸಿದೆ.
ಕಾಯ್ದೆಯ ಸೆಕ್ಷನ್ 10 ಎ (2) (ಬಿ) ನಿಬಂಧನೆಗಳನ್ನು ಪಾಲಿಸದ ಕಾರಣ ಉಲ್ಲಂಘನೆ ಅಥವಾ ಡೀಫಾಲ್ಟ್ ಮುಂದುವರಿಸಿದ ಅವಧಿಗೆ ದಂಡವನ್ನು ವಿಧಿಸಲಾಗುತ್ತದೆ.
ಮಾರ್ಚ್ 31, 2019 (ಐಎಸ್‌ಇ 2019) ರಂತೆ ಬ್ಯಾಂಕಿನ ಮೇಲ್ವಿಚಾರಣೆ ಮೌಲ್ಯಮಾಪನಕ್ಕಾಗಿ ಶಾಸನಬದ್ಧ ತಪಾಸಣೆ (ಐಎಸ್‌ಇ) ನಡೆಸಿದ ಆರ್ ಬಿಐ, ಕಾಯ್ದೆಯ ಸೆಕ್ಷನ್ 46 (4) (1) (ಐ) ನೊಂದಿಗೆ ಓದಲಾದ ಸೆಕ್ಷನ್ 47 ಎ (1) (ಸಿ) ನಿಬಂಧನೆಗಳ ಅಡಿಯಲ್ಲಿ ನೀಡಲಾದ ಅಧಿಕಾರಗಳನ್ನು ಚಲಾಯಿಸುವಲ್ಲಿ ಈ ದಂಡವನ್ನು ವಿಧಿಸಿದೆ.